गेटा मेडिकल कलेजलाई विश्वविद्यालय बनाउने निर्णयसँगै प्रधानमन्त्रीबाट उद्घाटन गरिँदै

फागुन १ , काठमाडौं । सरकारले कैलालीको गेटा मेडिकल कलेजलाई विश्वविद्यालय बनाउने निर्णय गरेको छ। आइतबार बसेको मन्त्रिपरिषद् बैठकले गेटालाई सहिद दशरथ चन्द राष्ट्रिय स्वास्थ्य विज्ञान विश्वविद्यालय बनाउने निर्णय गरेको हो ।

निर्णय गरेसँगै आजै प्रधानमन्त्री प्रचण्डले गेटाको उद्घाटन गर्दैछन् । सुदूरपश्चिमको कैलाली र कञ्चनपुरका क्षेत्रको भ्रमणमा जान लागेका प्रधानमन्त्री प्रचण्डले गेटा मेडिकल कलेजको उद्घाटन गर्ने कार्यक्रम तय गरिएको छ । साढे पाँच अर्वका संरचना निर्माण भएर पनि मेडिकल कलेज सञ्चालन हुन सकेको छैन ।

यसअघि आइतबार बिहान सुदूरपश्चिम क्षेत्रका पूर्व तथा वहालवाला जनप्रतिनिधि, विषय विशेषज्ञ र नेपाल सरकारका मुख्यसचिव, शिक्षा तथा स्वास्थ्यसचिवसँग प्रधानमन्त्री प्रचण्डले यसबारे छलफल गरेका थिए ।