कैदी अरुण चौधरीको रिटमा फागुन ३ भित्र लिखित जवाफ पेस गर्न उच्चकाे आदेश

१ फागुन, काठमाडौं । कैलाली जिल्ला कारागारमा कैद जीवन बिताइरहेका नागरिक उन्मुक्ति पार्टीका नेता अरुण चौधरीको रिटमा उच्च अदालत दिपायलले जिल्ला सरकारी वकिल कार्यालयको नाममा लिखित जवाफ पेस गर्न आदेश दिएको छ ।

न्यायाधीश देशबहादुर सार्कीको इजलासले आइतबार जिल्ला वकिल कार्यालय कैलालीलाई फागुन ३ गतेभित्र लिखित जवाफ पेस गर्न आदेश दिएको हो ।

‘के कसो भएको होरु निवेदकको निवेदन माग बमोजिमको बन्दी प्रत्यक्षीकरणको आदेश किन जारी हुनु नपर्ने होरु निवेदकको माग अनुसार बन्दी प्रत्यक्षीकरणको आदेश जारी हुनु नपर्ने कुनै आधार कारण एवं प्रमाण भए सो समेत खुलाई प्रमाणसहित फागुन ०३ गतेका दिन ११ःबजेसम्म उच्च सरकारी वकिल कार्यालय, दिपायलमार्फत् लिखित जवाफ पेस गर्नू’ आदेशमा उल्लेख छ ।

२०६८ सालमा जिल्लामा एक ट्याक्टरमाथि आगो लगाई क्षति पुरयाएको कसुरमा कैलाली जिल्ला अदालतले चौधरीसहित ३ जनालाई दोषी ठहर गर्दै ३ महिना कैद र ८ लाख रुपैयाँ क्षतिपूर्ति भराउन आदेश भएकोमा उनी फरार हुँदै आएका बेला दुई हप्ता पहिले बाँकेको कोहलपुरबाट पक्राउ गरी जेद चलान गरिएको थियो ।

तर चौधरीले आफूलाई कैद थुनावामा पठाउने फैसलाविरुद्ध रिट लिएर उच्च पुगेका थिए । सोही रिटमा लिखित जवाफ पेस गर्न आदेश भएको हो ।