जनयुद्ध दिवस मनाइरहेका वैद्य र वास्तोलाका कार्यकर्ता गिरफ्तार

१ फागुन, काठमाडौं । प्रधानमन्त्री पुष्पकमल दाहाल ‘प्रचण्ड’को कार्यक्रमस्थल नजिकै जनयुद्ध दिवस मनाइरहेका १३ जनालाई गिरफ्तार गरिएकाे छ । महेन्द्रनगर बसपार्क नजिकै जनयुद्ध दिवस मनाइरहेका धमेन्द्र वास्तोला ‘कञ्चन’ नेतृत्वको नेकपा (बहुमत) र मोहन वैद्य ‘किरण’ नेतृत्वको नेकपा (क्रान्तिकारी माओवादी)का नेता कार्यकर्तालाई प्रहरीले गिरफ्तार गरेको हो ।

दुवै पार्टीले संयुक्त रुपमा जनयुद्ध दिवसका कार्यक्रम गरिरहेका बेला बहुमतका केन्द्रीय सल्लाहकार डम्बरबहादुर विष्टसहित १३ जना नेता कार्यकर्तालाई प्रहरीले गिरफ्तार गरेको बहुमतले जनाएको छ ।

गिरफ्तार हुर्ने अन्य नेता कार्यकर्ताहरुमा बहुमतका कञ्चनपुर जिल्ला ईन्चार्ज अर्जुन दयाल, डम्बर बिष्ट, बहादुर महरा, विद्यार्थी उपाध्यक्ष विरेन्द्र शाह, संयोजक नक्साल, दिपेन्द्र ऐरी, सुरेन्द्र धानुक, बिरेन्द्र नाथ र रमेश नाथ रहेका छन् ।

यस्तै क्रान्तिकारी माओवादीका प्रेम सुवेदी, हरि सुवेदी र पुष्कर जोशी पनि पक्राउ गरेका छन् । प्रेम पाेलिटब्यूराे र हरि केन्द्रीय सदस्य रहेकाे बताइएकाे छ । शान्तिपूर्णरूपमा दिवस मनाइरहेका बेला  बिनाकारण आफूहरुमाथि बल प्रयोग गरेर गिरफ्ता गरेको बहुमतका जिल्ला सचिवालय सदस्य दिपेन्द्र ऐरीले बताए । गिरफ्तार गरिएका सबैको तत्काल निसर्त रिहा गर्न दुवै पार्टीले माग गरेका छन् ।

प्रहरीले भने सुरक्षाका प्रधानमन्त्री प्रचण्ड उपस्थित रहेका बेला नजिकै भीडभाड लागेपछि सुरक्षाका कारण गिरफ्तार गरिएको जनाएको छ । फागुन १ का दिन तत्कालीन नेकपा (माओवादी)का घटकहरुले जनयुद्ध दिवस मनाउने गरेका छन् । २०५२ साल फागुन १ माओवादीको नेतृत्वको सुरु भएको सशस्त्त युद्धको सम्झनामा उनीहरुले जनयुद्ध दिवस मनाउने गरेका हुन् ।

१० वर्ष चलेर २०६२ चैत्रमा उक्त द्वन्द्व रोकेको थियो । त्यसपछि सरकार र जनयुद्ध पक्षधर माओवादीबीच २०६५ मंरि ५ मा बृहत शान्ति सम्झौता भएपछि माओवादीका एक धार (प्रचण्ड) संसदीय व्यवस्थामा हेलिए भने वास्तोला, वैद्य, विप्लव लगायत थुप्रै समूह भने बाहिरै बस्दै आएका छन् ।

यसपटक भने प्रचण्ड प्रधानमन्त्री रहेका बेला साेमबार देशभर सार्वजनिक बिदा दिएका छन् ।