‘अभियन्ता’ दुर्गा प्रसाईंको ‘महाअभियान’मा पूर्वराजपरिवार, ज्ञानेन्द्र र पारस एकै मञ्चमा

१ फागुन, झापा । एकताका एमाले अध्यक्ष केपी शर्मा ओलीका ‘भक्त’ कहालिएका मेडिकल व्यवसायी झापाका दुर्गा प्रसाईँले राष्ट्रियता र धर्म जोगाउने आफ्नो अभियानमा पूर्वराजपरिवारका सदस्यहरुलाई सहभागी गराएका छन् ।

एमालेबाट कित्ता बदलेर ढुलमुल बनेका उनले सोमबार ‘महाअभियान’ नाम दिइएको पूर्व–पश्चिम अभियानको झापाको मेची पुलबाट पदयात्रा सुरु गरेर बसपार्क बनाइएको मञ्चमा कार्यक्रम गरेका छन् । अभियानको उदघाटन मञ्चमा उनले पूर्वराजा ज्ञानेन्द्र शाहलाई मुख्य अतिथि, छोरा पारस, छोरी प्रर्णिमा लगायतलाई अतिथि बनाएका छन् । ज्ञानेन्द्रले मेची पुलमा दीप बालेर अभियान उद्घाटन गरे ।

उनले अभियान उद्घाटनमा प्रधानमन्त्री प्रचण्ड, एमाले अध्यक्ष केपी शर्मा ओली, कांग्रेस सभापति शेरबहादुर देउवा लगायत नेताहरुलाई निमन्त्रणा गरेपनि कोहीपनि सहभागी भएनन् ।

कार्यक्रममा अभियान पार्टीभन्दा माथि देशको रक्षाका लागि भएको दाबी उनले गरे । उनले आफ्नो गतिविधि कुनै पार्टी वा व्यक्तिविरुद्ध नहुने बताए ।