अनेरास्ववियुको २३औं महाधिवेशनलाई तस्बिरमा हेराैं

२ फागुन, काठमाडौं । नेकपा (एमाले)निकट अनेरास्वियुको २३औं राष्ट्रिय महाधिवेशन काडमाडौंमा मंगलबारबाट सुरू भएको छ । कमलादीस्थित प्रज्ञा भवनमा एमाले अध्यक्ष केपी शर्मा ओलीले ड्रोन उडाएर अनेरास्ववियुको महाधिवेशनको उद्घाटन गरेका हुन् ।

महाअधिवेशनको उद्घाटनसत्रलाई सम्बोधन गर्दै अध्यक्ष ओलीले नेतृत्व चयनमा समझदारी कायम गर्न आग्रह गरेका छन् । यसअघि अनेरास्ववियु अध्यक्ष सुनिता बरालले पनि सहमतिमै नेतृत्व चयनको प्रयास गरिने बताएकी थिइन् । मतदानमा जानुपरेमा विद्युतीय मेसिन प्रयोग गरिने उनले बताएकी थिइन् ।

महाधिवेशनले नेतृत्वसहित १९९ सदस्यीय केन्द्रीय समिति चयन गर्नेछ । आगामी नेतृत्वका लागि आरसी लामिछाने, मोती विश्वकर्मा र समिक बडालले दाबी गरिरहेका छन् । यसअघिसम्म अध्यक्ष सुनिता बरालले अध्यक्षमा दोहोर्याउने बताउँदै आएपनि उनलाई पार्टी अध्यक्ष ओलीले पार्टीमा तान्ने आश्वसन पाएपछि दाबी छोडेकी छन् ।