बन्द भएका सबै उद्योग सांसद हितराज पाण्डेको माग

३ फागुन, काठमाडौं । प्रतिनिधिसभाको आजको बैठकमा सांसदहरुले देशभा बन्द रहेका सरकारी उद्योगहरु तत्काल संचलान गर्न माग गरेका छन् ।

बैठकमा बोल्दै नेकपा (माओवादी केन्द्र)का संसदीय दलका प्रमुख सचेतक हितराज पाण्डेले बन्द भएका रुग्ण उद्योगहरू पुन सञ्चालन गर्न सरकारको ध्यानाकर्षण गराएका छन् ।

बैठकको शून्य समयमा बोल्दै सांसद पाण्डेले बन्द भएका गोरखकाली रबर उद्योग, हेटौडा कपडा उद्योग, बुटवल धागो कारखाना लगायतका उद्योगलाई पुनः सञ्चालन गरेर आर्थिक रूपमा सबल गराउन आग्रह गरे ।

यस्तै उनले शान्ति प्रक्रियालाई टुङ्गोमा पुर्याउन बेपत्ता भएका नागरिकहरूको अवस्था संसदमा जानकारी गराउन पनि आग्रह गरे ।