खुला विश्वविद्यालयमा डीन नियुक्त गर्न कमिटी बनाइयो

४ फागुन, काठमाडौं । नेपाल खुला विश्वविद्यालय, कार्यकारी परिषद्ले डीन नियुक्तिका लागि कमिटी गठन गरेको छ ।

विश्वविद्यालयको कार्यकारी परिषद्ले प्राडा राजेन्द्र ध्वज जोशीको संयोजकत्वमा ५ सदस्यीय कमिटी गठन गरेको हो । कमिटीलाई ‘सर्च कमिटी’ नाम दिइएको छ ।

सर्च कमिटीले खुला विज्ञापन गरेर डीन नियुक्तिका लागि सिफारिस गर्ने र कार्यकारी परिषदले नियुक्त गर्नेछ ।

२०७८ भदौदेखि व्यवस्थापन तथा कानून संकाय र समाजशास्त्र तथा शिक्षा, २०७८ पुस यता विज्ञान, स्वास्थ्य तथा प्रविधि संकाय डीनविहीन छ ।