रिलायन्स र सानिमा लाइफ इन्स्योरेन्सको एकीकृत कारोबार प्रक्रिया अन्तिम चरणमा

५ फागुन, काठमाडौं । रिलायन्स लाइफ र सानिमा लाइफ इन्स्योरेन्सको एकीकृत कारोबार अन्तिम चरणमा पुगेको छ । लामो समयदेखि छलफलको चरणमा रहेको कम्पनीको एकीकृत कारोबार मिति पनि गुज्रिन लागेको छ ।

यी दुई कम्पनीबीच चैत ७ गते एकिकृत कारोबार हुने मर्जर कमिटी स्रोतले जनाएको छ । यी दुई कम्पनीबीच मर्जरपश्चात् सानिमा रिलायन्स लाइफ इन्स्योरेन्सको नामबाट एकीकृत कारोबार हुने भएको छ ।

हाल सानिमाको चुक्ता पूँजी २ अर्ब ८ करोड र रिलायन्सको २ अर्ब १० करोड रुपैयाँ रहेको छ । बीमा समितिको निर्देशनअनुसार जीवन बीमा कम्पनीहरुले न्युनतम चुक्ता पूँजी ५ अर्ब रुपैयाँ पुर्याउनु पर्नेछ ।