इटालियन सिरीमा नापोलीले सहज जित

७ फागुन, काठमाडौं । इटालियन सिरी ए फुटबलमा नापोलीले सहज जित निकालेको छ । शुक्रबार राति भएको खेलमा नापोलीले सासोउलोलाई २–० गोल अन्तरले हराउँदै सहज जीत निकालेको हो ।

नापोलीको जितमा कभिचा केभाराटकेलिया र भिक्टर ओसिमहेनले एक एक गोल गरे । खेलको १२ औं मिनेटमा केभाराटकिलियाले कभिचाले गोल गर्दै नापोलीलाई सुरुआती अग्रता दिलाएका थिए भने त्यसपछि खेलको ३३ औं मिनेटमा भिक्टर ओसिमहेनले अर्को गोल गर्दै नापोलीलाई २–० को अग्रताको जीत दिलाए । जितसँगै नापोलीले २३ खेलमा ६२ अंक जोडेको छ भने नापोली दोस्रो स्थानको इन्टर भन्दा १८ अंकले अघि छ ।