एमाले राष्ट्रिय सहमतिमा नआए कांग्रेससँग गठबन्धन गरेर राष्ट्रपति चयन गर्ने यादवको भनाइ

७ फागुन, काठमाडौं । नेकपा (ओवादी केन्द्र)का प्रभावशाली नेता एवं उपमहासचिव मातृका यादवले राष्ट्रपति निर्वाचनमा पार्टीले लिएको राष्ट्रिय सहमतिको लाइनमा एमाले नआए कांग्रेससँग मिलेर गठबन्धन बनाउने बताएका छन् ।

उनले एक अनलाइनसँगको कुराकानीमा राष्ट्रपतिका लागि मनोनयन दर्तासम्मका एमाले सहमति आउने दाबी समेत गरेका छन् । उनले पार्टी अध्यक्ष प्रचण्ड प्रधानमन्त्री बनेदेखि नै एमालेका अध्यक्ष केपी शर्मा ओलीले असहयोग र दम्भीपूर्ण व्यवहार गरेको आरोप समेत लगाए ।

उनले एमालेले नै राष्ट्रिय सहमतिका लागि सर्वस्वीकार्य व्यक्तित्व दिएको खण्डमा माओवादी केन्द्रले सहयोग गर्ने बताए । यसो हुन नसके कांग्रेससँग गठबन्धन बनाएर अगाडि बढ्नुको विकल्प नरहेको उनको भनाइ छ । फागुन २५ हुने राष्ट्रपति निर्वाचनका लागि यही १३ गते उम्मेदवारी दर्र्ता गर्नुपर्ने निर्वाचन तािलका छ ।

साथै उनले रबि लामछानेलाई नागरिकता मुद्दामा हल्का निर्णय गरेर उन्मुक्ति दिएको आरोप समेत लगाए । रबिको ठाउँमा मधेशीको छोरा परेको भए यतिखेर जेलमा हुने उनको भनाइ छ ।

फागुन २५ गतेका लागि राष्ट्रपति निर्वाचन मिति तोकिएको छ।