नेपाली क्रिकेटर महबुबले गरे नेपाल टी २० लिगमा ‘म्याच फिक्सिङ’ स्वीकार

८ फागुन, काठमाडौं । हिरासतमा रहेका नेपाली क्रिकेटर मेहबुब आलमले नेपाल टी(२० लिग प्रतियोगितामा स्पट फिक्सिङ कसुर गरेको स्वीकार गरेका छन् ।

कसुर गरेको आरोपमा सीआईबीले उनीसहित ३ जनालाई पक्राउ गरी अनुसन्धान सकेर सरकारी वकिल काठमाडौंमार्फत जिल्ला अदालत काठमाडौंमा दायर मुद्दाको मिसिलमा उनले प्रहरीसँग उनले खेल हार्ने र जित्ने बनाउन फिक्सिङको प्रस्ताव गरेको स्वीकारेको पाइएको हो ।

उनले गएको पुष्गा ९–२७ सम्म काठमाडौंको कीर्तिपुर क्रिकेट मैदानमा भएको नेपाल टी–२० लिगमा फिक्सिङका लागि आरिफ शेख र हासिम अन्सारीलाई प्रस्ताव गरेको स्वीकार गरेका छन् । दुई जनाबाहेक अरुलाई प्रस्ताव नगरेको समेत उनले प्रहीसँगको बयानमा भनेका छन् ।

प्रतिम्याच ६ लाख रुपैयाँ पाउने गरी फिक्सिङको प्रस्ताव गरेका थिए । खेल चलिरहेका बेला नेपाली खेलाडीहरुले अस्वभाविक खेल खेलेपछि पैसा लिएर खेल खेलिएको ( म्याच फिक्सिङ भएको) भन्दै खेल कमेन्टेटरले बिचमै छाडेपछि आशंका सीआईबीले आलम र अर्का खेलाडी आदिललाई पक्राउ गरेर अनुसन्धान सुरु गरेको थियो ।

अनुसन्धान सकेपछि सोमबार काठमाडौं जिल्ला अदालतमा उनीहरु दुईसहित ५ जनाविरुद्ध मुद्दा दर्ता गरिएको छ । उनीहरुलाई ३ वर्ष कैद सजायको माग गरिएको छ ।