कुमारी बैंकद्धारा संस्थापक बुढाथोकीको शेयर बिक्रीको घोषणा

९ फागुन, काठमाडौं । कुमारी बैंकले आफ्ना एक संस्थापक शेयरधनीको नाममा रहेको १६ हजार ६०० कित्ता संस्थापक शेयर बिक्री घोषणा गरेको छ । सो बैंकले संस्थापक शेयरधनी तर्कबहादुर बुढाथोकीको नाममा रहेको शेयर बिक्री खुला गर्ने घोषणा गरेको हो ।

यसमा बैंकका विद्यमान अन्य संस्थापक शेयरधनीले सुरुमा आवेदन दिन सक्नेछन्, अन्य संस्थापक शेयरधनी यसका लागि प्रमुख हकदारमा परेका छन । शेयर खरिद गर्न इच्छुक संस्थापक शेयरधनीले आजबाट ३५ दिन भित्र बैंकको प्रधान कार्यालय, टंगाल वा कुमारी क्यापिटलको कार्यालय नक्साल नागपोखरी, काठमाडौंमा आबेदन दिनु पर्नेछ ।

शेयर मुल्य भने बिक्रेताले तोके बमोजिम हुने जारी सूचनामा उल्लेख गरिएको छ ।  सुचना अनुसार उक्त समयमा संस्थापक शेयरधनीले शेयर खरिद नगरे अन्य व्यक्ति वा संस्थालाई शेयर बिक्री गरिनेछ ।