प्रधानमन्त्रीको परराष्ट्र सल्लाहकारमा अग्नि पुत्र नियुक्त, प्रशासन जनसम्पर्क विज्ञमा रामदीप

९ फागुन, काठमाडौं । प्रधानमन्त्री पुष्पकमल दाहाल ‘प्रचण्ड’को परराष्ट्र सल्लाहकारमा रुपक सापकोटालाई नियुक्त गरिएको छ । फागुन १ गतेदेखि उनी परराष्ट्र सल्लाहकारमा नियुक्त भएको प्रधानमन्त्रीको सचिवालयले जनाएको छ । प्रचण्ड प्रधानमन्त्रीमा नियुक्त भएदेखि नै उनले परराष्ट्र मामिलासम्बन्धी काम गरिरहेका थिए । सिन्धुपाल्चोकका रुपक पूर्वसभामुख अग्निप्रसाद सापकोटाका पुत्र हुन् ।

यस्तै प्रधानमन्त्रीको प्रशासन जनसम्पर्क विज्ञमा नेता रामदीप आचार्य नियुक्त भएका छन् । यस्तै, जनसम्पर्क विज्ञमा देवेन्द्र पराजुली, बुद्धि जिसी नियुक्त भएका छन् ।यसअघि प्रधानमन्त्रीको राजनीतिक सल्लाहकारमा हरिबोल गजुरेल नियुक्त भएका थिए । आर्थिक सल्लाहकारमा हानथाप चलेपछि नियुक्त हुन सकिरहेको छैन ।