कुलेश्वरबाट ७१ लाख ८० हजार नगदसिहित हुण्डी कारोबारी पक्राउ

१० फागुन, काठमाडौं । प्रहरीले हुण्डी कारोबार गरेको आरोपमा काठमाडौंको कुलेश्वरबाट एक जना भारतीय नागरिकलाई पक्राउ गरेको छ ।

पक्राउ पर्नेमा भारत हिमाञ्चल प्रदेश सिमलाथाना घर कुलेश्वर बस्ने माँ चामुण्डा फ्रुट सेन्टरका सञ्चालक ४९ वर्षीय विजयकुमार गुप्ता रहेको प्रहरीले जनाएको छ ।

कुलेश्वरमा हुण्डी कारोबार हुने गरेको भन्ने सूचनाका आधारमा काठमाडौं उपत्यका अपराध अनुसन्धान कार्यालयबाट खटिएको टोलीले उनलाई बुधबार दिउँसो पक्राउ गरेको हो ।

गुप्ताको साथबाट ५७ लाख रुपैयाँ नगद र १४ लाख ८० हजार रुपैयाँ बराबरका २ वटा चेक फेला परेको प्रहरीले जनाएको छ ।

उनी हुण्डी कारोबार गरेको आरोपमा २०७५ सालमा पनि २ लाख भारतीय रुपैयाँ र ३१ लाख नेपाली रुपैयाँसहित पक्राउ परी राजस्व छलीसम्बन्धी कसूरमा अनुसन्धानमा परेका व्यक्ति रहेका खुलेको छ ।

हुण्डी कारोबारलाई नेपालमा बन्देज छ । काराेवारमा संलग्नलाइ राजश्व छली कसुरमा अनुसन्धान गर्दै आएकाे छ ।