शिवशिखर बहुद्देश्यीय सहकारीका बचतकर्ता धर्नामा

११ फागुन, काठमाडाैं । हेटौंडा उपमहानगरपालिका–४ मा रहेको शिव शिखर बहुद्देश्यीय सहकारी संस्थाका बचतकर्ताहरु आन्दोलनमा उत्रिएका छन् । बचत रकम फिर्ता नपाएपछि उनीहरु सहकारी कार्यालयमा धर्नामा बसेका छन् ।

कार्यालयकाे सटरमा बुधबार ताला लगाइएको थियो । ताला कार्यालयले लगाएर संचालक, कर्मचारी सम्पर्कविहीन भएका छन् । उक्त ताला आजसम्म पनि नखुलेपछि रकम फिर्ता लिन आएका बचतकर्ताहरु धर्नामा बसेका हुन् ।

सहकारीमा बचत रहेको ८५ हजार रुपैयाँ निकाल्न हेटौंडा १ की पार्वती बर्तौला पटकसम्म कार्यालय आउँदा समेत पाउन सकेकी छैनन् । जम्मा गरेको रकम नपाउलान् भन्ने चिन्ता धर्नामा बसेकाहरुमा व्याप्त छ । एकजनाकै ५ देखि ५० लाख रुपैयाँसम्म बचत रहेको पीडितहरू बताउँछन् ।

हेटौंडामा पुस २०७७ मा शिवशिखर बहुउद्देश्यीय सहकारी संस्था लिमिटेड भक्तपुरको शाखा खोलिएको थियो । सहकारीले करिब ३ करोड रुपैयाँको लागतमा यहाँ संचालन गरेको डिपार्टमेन्ट स्टोर पनि बिहीबारदेखि बन्द भएको छ ।