प्रचण्ड र ओलीबीच बालुवाटारमा निर्णायक वार्ता जारी

१२ फागुन, काठमाडौं । प्रधानमन्त्री पुष्पकमल दाहाल ‘प्रचण्ड’ र नेकपा (एमाले)का अध्यक्ष केपी ओलीबीच राष्ट्रपति उम्मेदवारबारे बालुवाटारमा निर्णायक वार्ता जारी छ । प्रचण्ड नेतृत्वको सरकारका प्रमुख घटक एमालेले आफ्नो उम्मेदवारलाई माओवादी केन्द्रले समर्थन गर्नुपर्ने अडान कायमै राखेको बेला दुई जनाबीच यो वार्ता चलिरहेको छ ।

शनिबार ‘भोलि’ राष्ट्रपति निर्वाचनका लागि उमेदवारी मनोनय हुँदै छ । आज बिहानमात्रै प्रधानमन्त्री प्रचण्डले नेपाली कांग्रेससहितका चार दलसँग छलफल गरेका थिए । बैठकमा पाँच दलीय गठबन्धन ब्युँताउने सहमति भएको छ ।

चार दलसँग शुक्रबार नै तीन घण्टा छलफल गरेका दाहालले पाँच बजे बस्ने अर्को बैठकअघि दाहालले ओलीसँग छलफल गरेका हुन् । दाहालसँग भेट्न ओली संसद भवनबाट बालुवाटार गएका हुन् ।