‘अनुमगन तथा मूल्यांकन विधेयक २०७८’ सदनमा पेस

१२ फागुन, काठमाडौं । प्रतिनिधिसभाको शुक्रबारको बैठकमा ‘अनुगमन तथा मूल्यांकन विधेयक २०७८ पेस भएको छ । राष्ट्रिय सभाबाट सन्देशसहित फिर्ता आएको उक्त विधयेक संचार तथा सूचना प्रविधि मन्त्री रेखा शर्माले पेस गरेकी हुन् ।

विधेयकमाथि छलफल जारी छ । विधयेकमाथि छलफलका लागि सांसदहरुलाई ३ मिनेटको समय छुटयाइएको छ । कांग्रेसका सांसद रमेश लेखकले विधेयकमा केही बुँदा संशोधन आवश्यक रहेको बताएका छन् । विधेयक आधारभूत रुपमा राम्रो रहेपनि केही बुँदा संशोधन गर्नुपर्ने आवश्यकता उनले औल्याए ।

पूर्वाधार विकासका क्रममा योजना, परियोजनालाई दिइने ठेक्काको काम नसक्ने ठेकेदारलाई कारबाहीको दायरामा ल्याउने व्यवस्था गर्नुपर्ने बताए । उनले जिल्लाभित्र गरिने निर्माणका काममा जिजसलाई नै पूर्ण अधिकार दिनुपर्ने बताए ।