धनुषाको दुई प्रसिद्ध मन्दिरबाट सुनको मुकुट र अन्य गरगहना चोरी

१४ फागुन, धनुषा । धनुषाको दुई प्रसिद्ध मन्दिरमा चोरी भएको छ । शनिबार राति १२ बजे चोरी भएको छ । जिल्लाको रमदैयास्थित राजदेवी मन्दिर र हनुमानगढीमा रहेको हनुमान मन्दिरमा शनिबार राति चोरी भएको हो ।

क्षीरेश्वरनाथ नगरपालिका–१, रमदैयामा रहेको प्रसिद्ध राजदेवी मन्दिरमा राजदेवी भगवानको मूर्तिसहित सुनको मुकुट र अन्य गरगहना चोरी भएको छ । चोरीबाट करिब ६ लाख रुपैया बराबर मूल्यको सामान चोरी भएको मन्दिरका पुजारी धीरज यादवले बताए । महेन्द्रनगर–जनकपुर सडकसँगै टाँसिएर रहेको ऐतिहासिका राजदेवी मन्दिर निकै प्रसिद्ध छ ।

यसैगरी, शुक्रबार राति जनकपुरधाम उपमहानर–१२, हनुमानगढीमा रहेको हनुमान मन्दिरमा लाखौं रुपैयाँ बराबरमको सामन चोरी भएको छ । मन्दिरबाट भगवानको मुकुट र दान पेटिकालगायतका सामान चोरी भएको मन्दिरका पुजारी प्रमोद दासले बताए । साधु सन्त माध्यमिकी परिक्रममा गएको मौका छोपी चोरले चोरी गरेको बताइएको छ ।

माध्यमिकी परिक्रममा यात्रीले पहिलो रात्री विश्राम गरी भोलि पटक कल्याणेश्वरका लागि प्रस्थान गर्दछन् । ऐतिहासिक तथा धार्मिक राजदेवी र हनुमान मन्दिरमा चोरी हुनुलाई स्थानीयवासीले गम्भीररुपमा लिएका छन् ।

त्यहाँ रहेका साधुसन्त तथा स्थानीयवासीले तत्काल चोरलाई पक्राउ गरी कारवाही गर्न प्रहरीसँग माग गरेका छन् । चोरी घटनासम्बन्धमा अनुसन्धान भइरहेको र अपराधीको खोजी कार्य तीव्र रुपमा भइरहेको जिल्ला प्रहरी कार्यालय धनुषाका प्रवक्ता तथा प्रहरी नायव उपरीक्षक वेदप्रसाद गौतमले बताए ।