सन्दीपको संयुक्त रिटमाथि सर्वाेच्चमा सुनुवाइ जारी

१४ फागुन, काठमाडौं । क्रिकेटर सन्दीप लामिछानेमाथि लागेको नाबालिग जबर्जस्ती करणी (बलात्कार)को आरोपसम्बन्धी संयुक्त रिटमाथि सर्वोच्च अदालतको बन्द इजलासमा सुनुवाइ सुरु भएको छ ।

लामिछानेको रिट निवेदन र पीडितको तर्फबाट सरकारले दिएको निवेदनलाई एकै ठाउँमा राखेर न्यायाधीश सपना प्रधान मल्ल र कुमार चुडालको बन्द इजलासमा सुनुवाइ अघि बढेको हो ।

सन्दीप लामिछानेले आफूले क्रिके खेल्न विदेश जान पाउनु पर्ने माग निवेदनमा गरेका छन् । सरकारी वकिल कार्यालयले भने उच्च अदालत पाटनले गत पुस २८ गते दिएको आदेश बदर गर्दै सन्दीपलाई थुनामै राखेर मुद्दाको अन्तिम टुंगो लगाउन माग गरेको छ ।

यसअघि शुक्रबार सन्दीपको रिटमा न्यायाधीश ईश्वरप्रसाद खतिवडाको एकल इजलासमा सुनुवाइ भएपनि विदेश जाने अनुमतिबारे निर्णय भएन । नभएपछि दुवै रिटलाई एकै ठाउँमा राखेर पेशी तोक्न अग्राधिकार दिने आदेश दिएको थियो ।

प्रधान र चुडालको इजलासमा सुरुमै सन्दीपको निवेदन र पीडितको तर्फबाट सरकारी वकिलको कार्यालयले दिएको निवेदन एकै ठाउँमा राखेर सुनुवाइ थालिएको हो ।

उच्च अदालत पाटनले गत पुस २८ गते सन्दीपलाई विदेश विदेश जान बन्देजसहित २० लाख रुपैयाँ धरौटीमा रिहा गर्न आदेश दिएको थियो । रिहा भएपनि विदेश जानबाट बन्देज रहेको बेला उनले बन्देज खारेजीको माग गर्दै गएको बिहीबार सर्वोच्चमा रिट निवदेन दिएका थिए । उनले धरौटी रकम पनि कम गराउन माग गरेका छन् ।

यद्यपि पीडित पक्षले पनि उच्च अदालतको आदेश चित्त बुझ्दो नभएको भन्दै सन्दीपलाई काठमाडौं जिल्ला अदालतको थुनावामै राखेर मुद्दाको अन्तिम टुंगो लगाउनुपर्ने आदेशलाई उथावत रहनुपर्ने मागहित सर्वोच्चमा पुनरावेदन गरेको छ ।

सन्दीपमाथि नुवाकोटीक एक नाबालिगमाथि गएकाे भदौ ५ गते राति काठमाडौंको पिंगलास्थान स्थित होटल काठमाडौं इनको एउटा कोठामा पुर्याएर रातभर बलात्कार गरेको आरोप छ । बलात्कारीसम्बन्धी कसुरमा गौशाला प्रहरी वृत्तको प्रतिवेदनका आधारमा सरकारी वकिल कार्यालय काठमाडौंले काठमाडौं जिल्ला अदालतमा दर्ता गराएको मुद्दा टविचराधीन छ ।