सन्दीपको मुद्दामा सुनुवाइ सकिएन, भाेलि निरन्तर हुने

१४ फागुन, काठमाडौं । क्रिकेटर सन्दीप लामिछानेको मुद्दामा आइतबार सर्वोच्च अदालतमा सुनुवाइ पूरा हुन सकेन । भोलि सोमबार पनि सुनुवाई हुने भएको छ। सुनुवाई नसकिएपछि मुद्दालाई आज हेर्दाहेर्दैमा राखिएको छ ।

आजको सुनुवाइका क्रममा सरकारी वकिल र पीडितका वकिलको बहस सकिएको छ । सन्दीप पक्षको वकिलको तर्फबाट बहस बाँकी रहेपछि सुनुवाई भोलिसम्मका लागि स्थगित गरिएको हो ।

न्यायाधीश सपना प्रधान मल्ल र कुमार चुडालको इजलासमा भएको सुनुवाइ भोलि पनि यही इजलासमा सुनुवाई हुनेछ । सन्दीपको तर्फबाट आइतबार वरिष्ठ अधिवक्ता शम्भु थापा, कृष्णप्रसाद सापकोटा, सविता भण्डारी बराल र मुरारी सापकोटाले बहस गरेका छन् ।

उनीहरुले सन्दीपलाई पुनः थुनामा पठाउन नपर्ने जिकिर गरेका छन् । तर सरकारी वकिल र पीडित पक्षका वकिलहरुले बलात्कार जसतो जघन्य अभियोगमा लागेका सन्दीपलाई मुद्दाको अन्तिम किनारा नलागेसम्म कारागार थुनामा राख्नुपर्ने जिकिर गरेका छन् ।

सन्दीपविरुद्ध काठमाडौं जिल्ला अदालतमा मुद्दा विचराधीन छ । सही अवस्थामा उच्च अदालत पाटनले सन्दीपलाई विदेश यात्रामा रोक लगाउँदै २० रुपैयाँ धरौटी रिहा गरेको थियो ।