पल शाहविरुद्धकाे बाल यौन दूरुपयोग मुद्दामा सुनुवाइ सकियो

१४ फागुन, पोखरा । बाल यौन दूरुपयोगको मुद्दामा दोषी ठहर हुँदै कारगारमा रहेका अभिनेता पल शाहको मुद्दामा आज उच्च अदालत पोखरामा सुनुवाइ सकिएको छ ।उच्च अदालतका न्यायाधीश डिल्लीराज आचार्य र श्रीधरा कुमारी पुडासैनीको इजलासमा सुनुवाई सकिएको हो । फैसला भने आउन बाँकी छ।

जिल्ला अदालत नवलपुरले जबरजस्ती करणीको मुद्दामा पल शाहलाई सफाई दिएको थियो । तर बाल यौन दूरुपयोग गरेको ठहर गर्दै उनलाई साढे २ वर्ष कैदको फैसला गरेपछि त्यसविरुद्ध पल उच्च अदालत गएका हुन् ।

पलले आफू निर्दोष रहेको मागदाबीसहित सफाई पाउनु पर्ने माग गरेका छन् । सरकारी वकिल कार्यालयले भने पललाई जबरजस्ती करणीको मुद्दामा सफाइ दिन नमिल्ने दाबी गर्दै पुनरावेदन गरेको छ । दुवै पक्षको पुनरावेदनपछि उच्च अदालतले आजै फैसला गर्दैछ ।