वर्षाका कारण भिस्तारा र इण्डिगो जहाज दिल्ली डाइभर्ट

१४ फागुन, काठमाडौं । काठमाडौं उपत्यकामा आइतबार दिउँसो परेको वर्षाका कारण त्रिभुवन अन्तर्राष्ट्रिय विमानस्थलमा भिजिबिलिटी कम हुँदा भारतको नयाँ दिल्लीबाट आएको भिस्तारा एयर र इण्डिगो एयरको जहाज दिल्ली डाइभर्ट गरिएको छ ।

त्रिभुवन विमानस्थल कार्यालयका अनुसार चट्याङ, हावाको अनियमित गति र वर्षातपछि जहाजहरु अहिले अवतरण गर्न सकेका छैनन् । अहिले केही मात्रामा वर्षात कम भएको आकाशमा फन्को मारिरहेका कता एयरवेज र नेवानिका जहाजलाई अवतरणको कोशिस भइरहेको त्रिभुवन अन्तर्राष्ट्रिय विमानस्थलले जनाएको छ । वर्षातका कारण अन्तरिक उडान समेत प्रभावित भएको छ ।