सर्वोच्चमा सन्दीपको मुद्दामा सुनुवाइ सकियो

१५ फागुन, काठमाडौं । नाबालिग बलात्कारका अभियुक्त क्रिकेटर सन्दीप लामिछानेको मुद्दामा सर्वोच्च अदालतमा सुनुवाइ सकिएको छ। सन्दीपको तर्फबाट वरिष्ठ अधिवक्ता रमन श्रेष्ठ, अधिवक्ता सरोजकृष्ण घिमिरेका साथै सरकारको तर्फबाट सहन्यायधिवक्ता सञ्जीवराज रेग्मीसहितले बहस गरेसँगै सुनुवाइ सकिएको हो ।

सन्दीपसँग दुई वटा रिटमाथि आइतबारबाट सुरु भएको सुनुवाई न्यायाधीश सपना प्रधान मल्ल र कुमार चुडालको संयुक्त बन्द इजलासमा भएको हो । आदेश आजै दिने तयारी सर्वोच्चले गरेको छ । सन्दीपले दायर गरेको रिटमा विदेश जान रोक लगाउने उच्च अदालत पाटनको पुष २७ को आदेश बदर तथा धरौटी रकम घटाउन आदेश माग गरिएको छ ।