विप्लव नेतृत्वको नेकपाद्वारा लघुवित्तको ज्यादतिविरुद्ध देशभर प्रदर्शन

१५ फागुन, काठमाडौं । नेत्रविक्रम चन्द विप्लव नेतृत्वको नेपाल कम्युनिष्ट पार्टी (नेकपा)ले चरम रुपमा बढिरहेको महंग्री, भ्रष्टाचार र बैंकहरुको चर्को ब्याजदरविरुद्ध सोमबार देशभर विरोध प्रदर्शन गरेको छ । उसले मिटरब्याजी, लघुवित्तको चर्को ब्याज असुल्ने कदमीकाे विरोधसमेत गरेको छ ।

गत महिना बसेको नेकपाको केन्द्रीय समिति बैठकले मिटरब्याज, बैंक तथा लघुवित्तको चर्को ब्याजदर र महंगीले नागरिक मारमा परेको भन्दै रोक्ने उद्देश्यले फागुन ५ र १५ गते देशभर प्रदर्शन गर्ने निर्णय गरेको थियो ।

 

काठमाडौंमा पार्टीको उपत्यका विशेष ब्यूरो नेतृत्वमा प्रदर्शन गरेको छ । प्रदर्शनको नेतृत्व नेकपाकी नेतृ उमा भुजेल ‘शिलु’ गरेकी थिइन् ।