सेवाग्राहीको बढी भीड हुने सरकारी कार्यालय बिदाको दिन पनि खोल्ने सरकारको निर्णय

१५ फागुन, काठमाडौं । सरकारले सेवाग्राहीको बढी भीड हुने सरकारी कार्यालयलाई सार्वजनिक बिदाको दिन पनि खुला राख्ने निर्णय गरेको छ । सोमबार बसेको मन्त्रिपरिषदको नियमित बैठकले मालपोत, राहदानी विभाग, जिल्ला प्रशासन कार्यालय, अस्पताल, प्रहरी कार्यालय जस्ता सेवाप्रहाहमुखी सरकारी कार्यालय हरेक दिन खुला राख्ने निर्णय गरेको हो ।

मन्त्रिपरिषदको बैठकले सरकारी कार्यालयबाट प्रदान गरिने सेवाहरु सार्वजनिक बिदाको दिन पनि नरोक्ने गरी तयार तालिका स्वीकृत गरेको छ । स्वीकृत कार्यतालिकामा कर्मचारीहरुले सिफ्ट प्रणालीमा काम गर्नेछन् । सार्वजनिक विदाको दिन काम गर्ने कर्मचारीले सट्टा बिदा पाउनेछन् । मन्त्रिपरिषदबाट स्वीकृत तालिकाबारे सरकारका प्रवक्ताले नियमित पत्रकार सम्मेलनमापफर्त जानकारी गराउने भएको छ ।