जेनेभा पुगेका गोविन्द बन्दीको पदीय हैसियत प्रधानमन्त्रीका शान्ति तथा मानव अधिकार सल्लाहकार मात्र !

१६ फागुन, काठमडौं । जेनेभास्थित संयुक्त राष्ट्रसंघको मानवअधिकार परिषदको बैठकमा नेपालको तर्फबाट प्रतिनिधित्व गर्दै सोमबार स्वीजरल्याण्डको जेनेभा पुगेका गोबिन्द बन्दी भनिने गोविन्द्रप्रसाद शर्मा कोइराला प्रधानमन्त्री प्रचण्डका ‘शान्ति तथा मानवअधिकार सल्लाहकार’ मात्र भएको पाइएको छ ।

आत्यबार साँझ उडेका उनी सोमबार बिहान जेनेभा पुगेका थिए । जेनेभा पुगेलगत्तै त्यहाँ रहेको नेपालको स्थायी नियोगले एउटा प्रेस विज्ञप्ति जारी गरेर सो कुराको जानकारी दिएको हो ।

उनलाई संयुक्त राष्ट्र संघीय मानव अधिकार परिषद्को ५२औं बैठकमा नेपाली प्रतिनिधि मण्डलको नेतृत्व गर्दै आइपुगेको र उनले परिषद् बैठकको उद्घाटन सत्रमा सहभागिता जनाएको उल्लेख गरिएको छ ।

उदघाटन सत्रमा संयुक्त राष्ट्रसंघीय महासभाका प्रमुख सीकावा कोरियाेसी र महासचिव एन्टिनो गुटरेसलगायतले सम्बोधन गरेका थिए । सोही पदीय हैसियतमा बन्दीले आज परिषद्को उच्चस्तरीय सत्रलाई सम्बोधन गर्ने कार्यक्रम तय भएको सोमबार जारी विज्ञप्तिमा जनाइएको छ ।

देशभित्र सरकारको विभागीय अर्था परराष्ट्र मन्त्रीले प्रतिनिधित्व गर्नुपर्ने कार्यँक्रममा एक विज्ञे हैसियतका कोयरालाई जेनेभा पठाएर प्रधानमन्त्रीले मानवअधिकारको अन्तर्राष्ट्रिय क्षेत्रमा गलत सन्देश दिएको भन्दै सर्वत्र आलोचना सुरु भएको छ ।

सरकारमा सामेल दलहरुबीच तिक्तता आएसँगै प्रचण्डले एमालेका मन्त्री रहेकी परराष्ट्र मन्त्री विमला राई पौड्यललाई भ्रमणको अन्तिम घडीमा जानबाट रोकेर कोइरालालाई पठाएका हुन् । उनी नेतृत्वको टोली सदस्यमा परराष्ट मन्त्रालयका सचिव सापकोटा, सहसचिव सेवा लम्साल पनि छिन् ।