चाँदीको मूर्ति चोरलाई पक्राउ नगरेको भन्दै धनुषामा चक्काजाम

१७ फागुन, काठमाडौं । चाँदीको मूर्ति र गरगहना चोरी गर्नेलाई प्रहरीले पक्राउ गर्न नसकेको भन्दै चक्का जाम गरिएको छ । धनुषाको क्षिरेश्वरनाथ नगरपालिका–१ रमदैयास्थित राजदेवी मन्दिरबाट मुर्ति र गरगहना चोरी गर्नेलाई अझैसम्म पक्राउ नगरिएको भन्दै चक्काजामा गरिएको हो ।

मन्दिरका पूजारी र स्थानीयवासीले रमदैया–जनकपुर–ढल्केबर‌ सडकमा चक्का जाम गर्दा सयौँ सवारी अलपत्र परेका छन् । गत फाल्गुन १३ गते राति मन्दिरबाट राजदेवी माताको मूर्ति, थाल, गहना, मुकुटलगायत चाँदीका सबै समान हतियारधारी समूहले चोरेर लगेका छन् ।

सो घटनामा संलग्न चोरहरुको अनुहार सिसिटिभी क्यामेरामा कैद भएपनि प्रहरीले पक्राउ नगरेपछि बाध्य भएर आन्दोलन गर्नु परेको स्थानिय रामपुकार यादवले जानकारी दिए । यसअघि पनि सो मन्दिरवाट चारपटक मूर्ति र गरगहना चोरी भइसकेको छ ।