नक्कली लाइसेन्ससहित मानन्धर पक्राउ

१६ फागुन, काठमाडौं । नक्कली लाइसेन्ससहित प्रहरीकाे टाेलीले एक जना युवकलाई पक्राउ गरेको छ । पक्राउ पर्नेमा रामेछापको सुनापति गाउँपालिका–५ का नविन मानन्धर रहेका छन् । हाल भक्तपुरकाे ब्यासीमा बस्दै आएका २८ वर्षीय मानन्धर नक्कली लाइसेन्स बनाउने धन्दामा समेत संलग्न रहेको पाइएको प्रहरीको दाबी छ ।

विभिन्न वर्गका नक्कली सवारी चालक अनुमपति पत्र बनाइ प्रयोग गरेको सूचनाका आधारमा मानन्धरलाई काठमाडौं उपत्यका अपराध अनुसन्धान महाशाखाबाट खटिएको टोलीले नक्कली लाइसेन्ससहित मंगलबार पक्राउ गरेको हो । अभियुक्त मानन्धरमाथि आवश्यक अनुसन्धान भइरहेको महाशाखाले जनाएको छ ।