प्रदेश १ को बैठकमा ‘किरात-लिम्बुवान-सगरमाथा’ अस्वीकृत, ‘कोशी’माथि छलफल जारी

१७ फागुन, मोरङ । प्रदेश १ प्रदेशसभाको जारी बैठकमा एकीकृत समाजवादी र जसपाले पेश थरेको प्रदेशको नामाकरणसम्बन्धी पिकरात–लिम्बुवान–सगरमाथा’ अस्वीकृत भएको छ ।

बैठकमा नेकपा एसका नेता राजेन्द्रकुमार राईले किरात–लिम्बुवान–सगरमाथा प्रदेश नाम राख्न प्रस्ताव पेश गरेका थिए । सभामुख बाबुराम गौतमले राईको प्रस्ताव बैठकले अस्वीकृत गरेको घोषणा गरे ।

यस्तै, बैठकमा अर्का प्रदेश सांसद एमालेका रामबहादुर राना मगरले ‘कोशी’ प्रदेश नाम राख्न प्रस्ताव गरेका थिए । उनको प्रस्ताव छलफलमा लैजान बैठकमा बहुमतले स्वीकृत गरेको छ । स्वीकृतिसँगै ‘कोशी’माथि अहिले छलफल चलिरहेको छ । छलफल पछि बुधबार नै मत विभाजनबाट दुई तिहाई मतको आधारमा नाम घोषण गरिँदैछ ।

आज बिहान एमालेसँग मिलेर कोशी नामका लागि प्रस्ताव दर्ता गरेको कांग्रेस भने प्रस्तावकबाट फिर्ता भएको छ । तर उसले कोशीमै मत दिने बताएको छ ।