ओलीले वामदेवसँग मागे राष्ट्रपतिमा नेम्वाङलाई भोट

१७ फागुन, काठमाडौं । नेकपा (एमाले)का अध्यक्ष केपी शर्मा ओलीले एमालेका पूर्वनेता वामदेव गौतमसँग भेट गरेर राष्ट्रपतिमा सुवासचन्द्र नेम्वाङलाई भोट मागेका छन् । ओलीले बुधबार दिउँसो ललितपुरकाे भैंसेपाटीस्थित घरमै पुगेर गौतमसँगभोट मागेका हुन् ।

दुई जनाबीच करिब एक घण्टा वार्ता भएको थियो । यही फागुन २५ मा हुने राष्ट्रपति निर्वाचनमा एमालेले पार्टीका उपाध्यक्ष नेम्वाङलाई उम्मेदवार उठाएको छ । उसले नेम्वाङलाई भोट दिन भन्दै नेपाली कांग्रेसबाहेकका दलहरुलाई पत्र समेत काटिसकेको छ ।

राष्ट्रपतिमा नेम्वाङसहित दूई जनाको उम्मेदवारी परेको छ । एमाले, रास्वपा, राप्रवाबाहेकका कांग्रेससहित ८ दलले कांग्रेसका वरिष्ठ नेता राचन्द्र पौडेललाई राष्ट्रपति उम्मेदवार बनाएका छन् । नेम्वाङ र पौडेल दुवै जना पूर्वसभामुख हुन् ।