राष्ट्रपति शिल्ड अर्घाखाँचीको उपाधि भूमिकास्थानकाे पाेल्टामा

१७, फागुन, अर्घाखाँची । सदरमुकाम सन्धिखर्कमा जारी राष्ट्रपति रनिङ शिल्ड प्रतियोगिता नसकिदै रनिङ शिल्डमा भूमिकास्थान नगरपालिकाले कब्जा जमाएको छ ।

प्रतियोगिता अन्तरगत भलिवल खेल चलिरहेको भएपनि प्राप्त अंकका आधारमा ११ अंकसहित पहिलो स्थानमा परेपछि भूमिकास्थानले शिल्ड जितेको हो । रनिङ शिल्ड भूमिकास्थानले जित्दा ९ अंक सहित सन्धिखर्क दोस्रो स्थानमा परेको छ ।

यस अघि फर्जी खेलाडी विवादले प्रतियोगिता करिव दुई दिन अवरुद्ध भएको थियो । फर्जी खेलाडी मिसाएको पुष्टि भएपछि ११ अंकसहित भूमिकास्थान भलिबल खेलमा पहिलो स्थानमा कायम भएको छ भने सन्धिखर्क नगरपालिकाका तर्फबाट १२ पदक प्राप्त भएकोमा पदक जित्ने ३ खेलाडी फर्जी रहेको पुष्टि भएपछि सन्धिखर्कको ९ अंकसहित दोस्रो स्थानमा सीमित भएको हो ।

सन्धिखर्कका ३ पदक खोसिएकोमा ८०० मिटर दौड र १५ सय मिटर दौड गरी दुई खेलमा दोस्रो भएको शितगंगाको खातामा जाँदा शितगंगाले यी दुई सहित ६ अंक प्राप्त गरेको छ ।

त्यस्तै चार/चार सय रिले खेलमा सन्धिखर्कका तर्फबाट पदक जितेका खेलाडी फर्जी पुष्टि भएपछि उक्त खेलमा दोस्रो भएको मालारानीले स्वतस् पदक प्राप्त गर्दै एक अंक थपेको छ । छत्रदेवले एक अंक प्राप्त गर्दा पाणिनी शून्य अंकका साथ पुछारमा छ ।