राजनीतिमा इमानदारीता र क्षमता नभएसम्म रूपान्तरण असम्भव : प्रदेशसभा सदस्य तिमिल्सिना

१७ फागुन, काठमाडौं । नेपाली कांग्रेसका युवा नेता तथा बर्दिया जिल्ला निर्वाचन क्षेत्र नं. २ (१) बाट निर्वाचित प्रदेशसभा सदस्य जन्मजय तिमिल्सिनाले राजनीतिमा इमान्दारिता त क्षमता आवश्यक हुने बताएका छन् । लुम्बिनी प्रदेशसभाको बुधबार बसेको छैठौं बैठकमा बोल्दै प्रदेशसभा सदस्य तिमिल्सिनाले राजनीतिमा स्थापित गलत भाष्यहरूलाई खारेज गर्नुपर्ने र नागरिकको सुरक्षाका सन्दर्भमा राज्य सम्वेदनशील हुन जरुरी रहेको बताएका छन् ।

बर्दिया, बाँके लगायत राष्ट्रिय निकुञ्ज र खाता जैविक मार्ग नजिक मानव र बन्यजन्तु बिचको अन्तर द्वन्द दिनानुदिन बढेको कारण आज पनि बस्तीहरु जोखिममा रहेको सदस्य तिमिल्सिनाले बताए । सरकारले ठूला जंगलहरुमा आधुनिक तारबार लगाएर बन्यजन्तु र जनताको सुरक्षाका निम्ति सम्वेदनशीलता देखाउन प्रदेश सरकारको ध्यानाकर्षण गराएका छन् ।

तिमिल्सिनाले जनतालाई आधारभूत आवश्यकताको पूर्ति हुन नसकेको, गुणस्तरीय शिक्षा, सर्बसुलभ निशुल्क स्वास्थ्य, किसानलाई सहायता, उद्घमिलाई राहत सधै नारामा मात्रै सीमित रहेको बताएका छन् । सरकारी अस्पतालमा स्वास्थ्यकर्मीको दरबन्दी अपुग भएको, मिटर ब्याजको आतंक, १६ प्रतिशतभन्दा चर्को बैंकको ब्याजदरका दर्जनौं समस्या रहेको उनले बताए । बर्दिया लगायत प्रदेशभर जनता आवासका नाममा व्यापक खेलवाड गरिएको तर, बास्तविक सुकुम्बासीले बसोबासको सुविधा नपाएको भन्दै तिमिल्सिनाले प्रदेश सरकार र संघीय सरकारलाई ध्यानाकर्षण गराएका छन् ।

पर्यटकीय दृष्टिले लुम्बिनी, तिलौराकोट, कर्णाली, ठाकुरद्धारा र स्वर्गद्धारी , मानसरोवर जाने पर्यटकहरु नेपालगञ्ज भएर जाने गर्छन् । , गुल्मीको रेसुङ्गा, रुरुक्षेत्र सहितका दर्जनौं पर्यटकीय गन्तव्यहरु छन् । बर्दिया को ताराताल देखि भुरिगाउ तेलपानी हुँदै मुगुको रारा ताललाई जोड्न सक्यौं भने लुम्बिनी प्रदेश कै नमुना पर्यटकीय गन्तव्य बन्न सक्ने उनले बताए ।

नागरिकको सुरक्षाका सन्दर्भमा राज्य सम्वेदनशील हुन जरुरी छ । बर्दिया, बाँके लगायत राष्ट्रिय निकुञ्ज र खाता जैविक मार्ग नजिक मानव र बन्यजन्तु बिचको अन्तर द्वन्द दिनानुदिन बढेको कारण आजपनि बस्तीहरु जोखिममा रहेको उनले बताए । सरकारले ठूला जंगलहरुमा आधुनिक तारबार लगाएर बन्यजन्तु र जनताको सुरक्षाका निम्ति सम्वेदनशीलता देखाउन तिमिल्सिनाले प्रदेश सरकारको ध्यानाकर्षण गराएका छन् ।

परिवर्तनशील समयको काँचुली फेर्दै गरेको नेपाली समाज र राजनीति प्रदूषणवादी भएको र अब त्यसमा लोकप्रियतावादी अंश थपिएको बताए । उनले भने, “राजनीतिमा इमानदारी र क्षमता नभएसम्म रूपान्तरण असम्भव छ । लोकतन्त्र भनेको फगत शासनपद्धति मात्रै होइन, यो जीवनशैली हो । त्यसैले लोकतन्त्रको अब्बल परीक्षा समाजको सबैभन्दा पिछडिएको मानिसको जीवनमा आएको सकारात्मक परिवर्तनको आधारमा मात्र लिन सकिन्छ।”

संसद जनताहरुको भावनाको प्रतिनिधित्व हुने साझा थलो हो । यो प्रतिनिधित्वको पछाडी जनताको आशा भरोशा छ । त्यो आशालाई वास्तविकतामा बदल्न, विकसित र गतिशील समाजलाई मध्यनजर गर्दै समय सापेक्ष ऐन, कानुनहरु बनाउनु आवश्यक रहेको तिमिल्सिनाले बताए ।