हेटौंडा–सिस्नेरी–दक्षिणकाली हुँदै काठमाडाैं आउने रूट एकतर्फी सञ्चालनमा

१८ फागुन, काठमाडौं । काठमाडौं–हेटौंडा जोड्ने कान्ति लोकपथमा आज बिहीबारदेखि आगामी चैत १० गतेसम्म सवारी साधन सन्चालनमा रोक लगाइएको छ । सडक मर्मतको काम भइरहेकाले कान्ति लोकपथ दुवैतर्फबाट बन्द गरिएको हो । कान्ति लोकपथ रुट हुँदै हेटौंडा–काठमाडौं चल्ने सवारी साधनलाई वैकल्पिक मार्ग प्रयोग गर्न अनुरोध गरिएको छ ।

तर हेटौंडाबाट काठमाडौं आउन हेटौंडा–भीमफेदी-कुलेखानी-सिस्नेरी-दक्षिणकाली रूट हुँदै एकतर्फी यातायात सेवा सञ्चालन भएको छ । काठमाडौंबाट हेटौंडा जान भने थानकोट–चित्लाङ–मार्खु–कुलेखानी–भीमफेदी रूट हुँदै एकतर्फी सवारी सञ्चालन हुनेछ ।

यसअघि फागुन १ गतेदेखि हेटौडा–भीमफेदी–कुलेखानी–सिस्नेरी–दक्षिणकाली हुँदै काठमाडौं र हेटौंडा–भीमफेदी–कुलेखानी–फाखेल–हुमाने जञ्ज्याङ–फर्पिङ हुँदै काठमाडौं जोड्ने सडक मर्मतका लागि दुई महिनाका लागि बन्द गरिएको थियो ।

अहिले याे रूट एकतर्फी खुला गरेर कान्ति लोकपथलाई बन्द गरिएकाे छ । ललितवुरकाे खाेकानाबाट कान्ति लाेकपथकाे बाटाे जाँदा हेटाैंडाकाे चाैघडानेर निस्किने गरिएकाे थियाे । याे लाेकपथमा खण्ड खण्ड ताेकेर सडक चाैडा पार्ने र पिचकाे काम जारी छ ।