नेम्वाङले रास्वपाका नेताहरूसँग मागे राष्ट्रपतिमा भोट

१८ फागुन, काठमाडौं । राष्ट्रपति पदका उम्मेदवार नेकपा (एमाले)का उपाध्यक्ष समेत रहेका सांसद सुवासचन्द्र नेम्वाङले राष्ट्रिय स्वतन्त्र पार्टी (रास्वपा)का नेताहरुलाई भेट गरेर भोट मागेका छन् ।

विभिन्न दलकाा नेताहरँसग भेटेर भोट माग्ने सिलसिलामा नेम्वाङ बिहीबार दिउँसो रास्वपाको मुख्यालय धुम्बाराहीमा पुगेर नेताहरुसँग भोट मागेका हुन् ।

मुख्यालयमा नेम्वाङले रास्वपा अध्यक्ष रवि लामिछानेसहितका नेताहरुलाई भेटेका छन् । रास्वपासँग संघीय संसदमा मात्र १९ सदस्य छन् । नेम्वाङले आजै मात्र नेकपा (एकीकृत समाजवादी)का अध्यक्ष माधवकुमार नेपालसहित नेताहरुलाई पार्टीको मुख्यालय आलोकनगरमा पुगेर मत मागेका थिए ।

राष्ट्रपति चयनका लागि यही फागुन २५ गते मतदान हुँदैछ । राष्ट्रपति पदका लागि नेम्वाङ र नेपाली कांग्रेसका वरिष्ठ नेता रामचन्द्र पौडेलबी प्रतिस्पर्धा हुँदैछ ।