म संविधानभित्र बसेर राष्ट्रपतिको भूमिका निर्वाह गर्छुः रामचन्द्र पौडेल

१८ फागुन, काठमाडौं । नेपाली कांग्रेसका नेता तथा आठदलीय गठबन्धन दलबाट राष्ट्रपतिका साझा उम्मेदवार रामचन्द्र पौडेलले आफुले संविधानले दिएको अधिकारभित्र रहेर काम गर्ने बताएका छन् उनले आफु राष्ट्रतिमा निर्वाचित भए संविधानको परिधिमा रहेर राष्ट्रपतिको भूमिका निर्वाह गर्ने प्रतिवद्धता पनि जनाएका छन् ।

सत्ता गठबन्धनका ८ दलका संघीय सांसदहरुको काठमाडौंमा भएको भेलामा पौडेलले विगतका राष्ट्रपतिबाट भएका गल्ती कमिकमजोरीलाई आफूलाई दोहोरिन नदिने बताए । संविधानको रक्षाका लागि आफु कटिबद्ध रहेको दावी गरे ।

उनले भने, ‘राष्ट्रपति पदको मर्यादा कायम राख्ने, संविधानको संरक्षकको रुपमा काम गर्ने, राष्ट्रियता, राष्ट्रिय स्वाभिमान र संविधानको रक्षा गर्दै अघि बढ्ने प्रतिबद्धता राष्ट्रपतिका उम्मेदवार रामचन्द्र पौडेलबाट आएको छ,’ भेलामा भएका छलफलबारे जानकारी दिँदै कांग्रेस नेता प्रदीप पौडेलले भने । भेलामा ८ दलका शीर्ष नेताहरूले पौडेललाई राष्ट्रपतिमा समर्थन गर्नु परेको कारणबारे आफ्ना सांसदहरूलाई जानकारी गराएका थिए ।