माओवादी केन्द्र स्थिर बसे देशकाे विकास हुँदैन : हरिबोल गजुरेल

१८ फागुन, काठमाडौं । सरकारको नेतृत्व गरिरहेको नेकपा (माओवादी केन्द्र)का उपमहासचिव हरिबोल गजुरेलले पार्टी स्थिर र चुप बसे देशको विकास हुन नसक्ने बताएका छन् । उनले माओवादी केन्द्र विकासमा छलाङ मार्न चाहने शक्ति भएको भन्दै उनले पार्टी स्थिर रहन नसक्ने बताए ।

बिहीबार कीर्तिपुरमा आयोजित पार्टी कार्यक्रममा धारणा राख्ने क्रममा प्रधानमन्त्रीका राजनीतिक सल्लाहकारसमेत रहेका गजुरेलले माओवादी कैन्द्रलाई अस्थिर र विकासविरोधी रुपमा हेर्ने र बुझ्ने दृष्टिकोण परिवर्तन गर्नुपर्ने बताए । उनले पछिल्लो राजनीतिक घटनाक्रम स्वभाविक भएको र यसले देशलाई विकास र गतिशील बनाउने दाबी गरे ।

‘अहिलेसम्म माओवादी केन्द्र स्थिर भएको भए देश यो अवस्थामा परिवर्तित हुनै सक्दैनथ्यो’ उनले भने, ‘स्थिर भएर बसिरहेको भए सेना समायोजन, शान्ति प्रक्रिया, सरकारको नेतृत्व कति संभव हुन्थ्यो ?’

माओवादी केन्द्र सधैं कहिले पछि र कहिले अघि सर्ने र जसरी पनि देश र जनतालाई सुखमा पुर्याउने काममा लागिरहने बताए । प्रधानमन्त्री पुष्पकमल दाहाल ‘प्रचण्ड’ले आफ्नो तेस्रो कार्यकालमा शान्ति प्रक्रियालाई टुंगोमा पु¥याउने र बेपत्ताहरुको समस्या समाधान गरेर देश विकासमा फड्को मागर्ने प्रतिवद्धता जनाएको बताए ।