आठ दलबीच राष्ट्रपतिको निर्वाचन र मन्त्रिपरिषदबारे आज छलफल

२१ फागुन, काठमाडौं । आठ दलीय गठबन्धनको बैठक आज आइतबार अपरान्ह ४ बजेका लागि बालुटारमा बोलाईएको छ । फागनु २५ मा हुने राष्ट्रपतिको निर्वाचनलाई केन्द्रमा राखेर बैठक बोलाएको बताइएको छ । बैठकमा अन्य विषयहरुमा पनि छलफल हुनेछ ।

राष्ट्रपति निर्वाचनबारे भइरहेका प्रगति र सबै दलमा कस्तो अवस्था रहेको छ भनेर बुझ्न र थप आवश्यक कार्यहरु कसरी सम्पन्न गर्ने भनेबारे छलफल गर्न आज गठबन्धनको बैठक बोलाइएको एक नेताले जानकारी दिए । बैठक अपराह्न ४ बजे प्रधानमन्त्रीको सरकारी निवास बालुवाटारमा बस्नेछ ।

बैठकले पछिल्ला राजनीतिक घटनाक्रमसँगै राष्ट्रपति र उपराष्ट्रपतिको निर्वाचन प्रधानमन्त्रीले लिने विश्वासको मत र मन्त्रिपरिषद विस्तारमा कसरी सहमतिका साथ अगाडी जाने भन्ने खाका तयार गर्ने बताइएको छ । प्रधानमन्त्री प्रचण्डले अहिलेदेखि नै मन्त्रिपरिषद विस्तारका बारे दलहरुसँग छलफल सुरु गरिसकेकका छन् ।