बाबुराम र विप्लवकाे भाषण नसुनेर राष्ट्रपति भण्डारी भेट्न निस्किए प्रधानमन्त्री प्रचण्ड

२१ फागुन, काठमाडौं । प्रधानमन्त्री पुष्पकमल दाहाल ‘प्रचण्ड’ले राष्ट्रपति विद्यादेवी भण्डारीसँग आज भेट गर्दैछन् । आज ‘शहीद तथा बपत्ता योद्धा सन्तति फाउन्डेसन’द्वारा काठमाडौंमा आयोजित कार्यक्रममा प्रचण्डले उक्त जानकारी दिएका हुन् । ‘

उनले आज ८ दलीय गठबधनको बैठक र राष्ट्रपतिसँग भेट गर्ने कार्यक्रम रहेको बताउँदै सहभागी नेताहरुको भाषण बाँकी रहेकै बेला कार्यक्रमस्थलबाट बाहिरिएका हुन् । उनले राष्ट्रपति भण्डारीलाई आज सरकारको वार्षिक प्रतिवेदन बुझाउँदैछन् ।

कार्यक्रममा मुख्य अतिथिलाई अन्तिममा बोल्ने तालिका मिलाउने गरिएपनि पनि कार्यक्रममा प्रमुख अतिथि बनाइएका प्रचण्ड सुरुमै आफ्नो भाषण दिएर निस्केका हुन् ।

कार्यक्रममा जनयुद्धकालीन नेताहरु विप्लव, बाबुराम भट्टराई, कञ्चन, सुशिल लगायत सहभागी थिए । उनीहरू सबैजना अलगअलग पार्टीका नेता हुन् । उनीहरु एकै मञ्चमा उपस्थित भएको यो नै संभवतः २०७० को दोस्रो संविधानसभा यता पहिलो हो ।

प्रचण्ड प्रधानमन्त्री रहेकै बेला याेपटकदेखि जनयुद्धकाे स्मरणमा सरकारले सार्वजनिक बिदा दिन सुरू गरेकाे छ । साथै जनयुद्ध र जनआन्दाेलनका सहीदहरूलाइकाे नाम राजपत्रमा प्रकाशित गर्ने तयारी सरकारले गरेकाे छ ।