मुख्यमन्त्रीलाई विश्वासको मत दिएर सत्ताभित्र प्रतिपक्षीकाे भूमिका निर्वाह गर्छाैं : माओवादी केन्द्र

२१ फागुन, धनगढी । नेकपा (माओवादी केन्द्र) सुदूरपश्चिम प्रदेशका मुख्यमन्त्रीलाई विश्वासकाे मत दिएर प्रतिपक्षी भूमिकामा बस्ने भएको छ । माओवादी केन्द्रको प्रदेशसभाका संसदीय दलका नेता खगराज भट्टले आफूहरुले मुख्यमन्त्री कमलबहादुर शाहलाई विश्वासको मत दिएर सत्ताभित्र प्रतिपक्षको भूमिका खेल्ने बताए । उनले जारी प्रदेशसभा बैठकमा दलको तर्फबाट धारणा राख्दै यस्तो बताएका हुन् ।

बैठकमा माओवादी केन्द्रका सांसदहरु सत्ता पक्षको बेञ्चमा बसेका छन् । माओवादी केन्द्रले कांग्रेससँग प्रदेश सरकारको आधा आधा कार्यकाल चलाउन पाउनुपर्ने माग गर्दै आइरहेको छ ।