सुदूरपश्चिम बैठकमा नाउपाका लक्ष्मण चौधरीले भने- ‘मुख्यमन्त्रीलाई विश्वासको मत दिने जानकारी गराउँदछु’

२१ फागुन, धनगढी । सुदूरपश्चिम प्रदेशसभाको जारी बैठकमा बोल्दै नागरिक उन्मुक्ति पार्टी (नाउपा) सांसद लक्ष्मण चौधरीले मुख्यमन्त्री कमलबहादुर शाहलाई विश्वासको मत दिने घोषणा गरेका छन् ।

बैठकमा बोल्दै चौधरीले शाहलाई विश्वासको मत दिन आफ्ना सांसदहरुलाई निर्देशन समेत दिए । उनले २०७२ भदौ ७ मा भएको टिकापुर घटनामा अदालतबाट दोषी ठहर भएर जेलमा रहेका रेशम चौधरी लगायत थारु नेताहरुलाई रिहाई गर्नुपर्ने माग पूरा हुने विश्वाससाथ मत दिने निर्णय भएको जानकारी दिए ।

गएको माघ २६ मा शाह प्रदेशसभाको ठूलो दलको हैसियतमा मुख्यमन्त्रीमा नियुक्त भएका थिए । नियुक्तिको ३० दिनभित्र प्रदेशसभाबाट विश्वासको मत लिनुपर्ने कानूनी व्यवस्था आज प्रदेशसभाको बैठकमा विश्वासको मत दिइयोस् भनी प्रस्ताव पेस गरेका छन् । प्रदेशसभाको दोस्रो ठूलो दल नेकपा (एमाले)ले भने विश्वासको मत नदिने घोषणा गरेको छ ।