बागमती प्रदेशको मुख्यमन्त्रीमा कांग्रेसको दाबी

२१ फागुन, काठमाडौं । केन्द्र सरकारमा आठ दलीय गठबन्धन बनेसँगै बागमती प्रदेशको मुख्यमन्त्रीमा कांग्रेसले दाबी सुरु गरेको छ । केन्द्रमा समीकरण परिवर्तन भएसँगै बागमतीको मुख्यमन्त्रीमा कांग्रेसको दाबी लाग्ने कांग्रेसको संसदीय दलका नेता बहादुरसिंह लामाले बताए ।

लामा पार्टीकाे संसदीय दलकाे चुनावमा प्रभावशाली नेता पार्टी सभापतिनिकट मानिने हेटौंडाका इन्द्रबहादुर बानियाँलाई पराजित गरेर दल नेता चयन भएका हुन् । लामा नुवाकोटका हुन् । समिरकरण परिवर्तनबाट सुदुरपश्चिममा एमालेका मुख्यमन्त्री पदच्युतपछि कांग्रेसका कमलबहादुर शाह मुख्यमन्त्री बनेका छन् । उनले आजै मात्र विश्वासको मत पाएका छन् ।

अहिले बाग्मतीमा माओवादी केन्द्रका शालिकराम जमकट्टेलको नेतृत्वमा एमाले, राप्रपा लगायतको समर्थनमा सरकार छ । समिरणको परिवर्तनसँगै मधेश प्रदेशबाहेक ६ वटै प्रदेशमा सरकारको नेतृत्वमा परिवर्तनको खेल चलेको छ ।