सुदूरपश्चिममा होली पर्वको रौनक बढ्दाे

२३ फागुन, धनगढी । सुदूरपश्चिम प्रदेशमा होली पर्व धुमधाामसाथ मनाइरहेका छन् । होली अर्थात फागु पूर्णिमा पहाडमा सोमबार नै मनाइएको छ । त्यसको भोलिपल्ट आव मंगलबार तराईका जिल्लाहरुमा हर्षोल्लासका साथ पर्व मनाइरहेका छन् ।

कैलालीमा पनि यहाँका नागरिकहरु खुलस्त रुपमा सडकमा निस्केर एक अर्कासँग रंग साटासाट गरेर बिहानैदेखि विभिन्न प्रकारका रंग खेल्ने, शुभकामना आदानप्रदान गरिरहेका छन् ।

प्रदेश राजधानी समेत रहेका धनगढीका विभिन्न बजार चाेकमा सर्वसाधारण साथीभाइ र आफन्त भेला भइ गीत संगीतमा झुक्ने र रंग दल्ने गतिविधिमा सक्रिय भइरहेका छन् । याे पर्व शरद ऋतु सकेर वसन्त ऋतुको सुरूवात भएको सुखद समयको रुपमा लिइने भएकाले समूदायमा उत्लासको माहोल देखिएको छ । मुख्यगरी युवा पंक्ति सडकमा ज्यादा देखिएका छन् । उनीहरु आपसमा रंग खेलिरहेको अवस्था भेटिन्छन् ।

फागु पर्वका उपलक्ष्यमा परम्परादेखि सरकारले सार्वजनिक बिदा दिँदै आएको छ । संघीयता लागू भएपछि प्रदेश सरकारले पनि विशेष महत्वसाथ हेर्न थालेको छ ।