ए डिभिजन लिगमा हिमालयन शेर्पाले निकाल्याे पहिलाे जित

२४ फागुन, काठमाडौं । सहिद स्मारक ए डिभिजन लिगमा हिमालयन शेर्पा क्लबले पहिलो जित निकालेको छ ।

त्रिपुरेश्वरस्थित दशरथ रंगशालामा बुधबार भएको खेलमा शेर्पाले नेपाल पुलिस क्लबलाई १–० गोल अन्तरले पराजित गरेको हो । पहिलाे हाफकाे इन्ज्युरी समयमा अमृत श्रेष्ठले गोल गर्दै शेर्पाको जित दिलाए ।

खेलको ४१ औँ मिनेटमा पुलिसका रवि पासवानको क्रस सेकेण्ड बारको नजिकबाट बाहिरिदा अग्रता लिन असफल भयो । खेलको दोस्रो हाफमा दुवै टोली मुभ बनाउन सफल देखिएपनि पनि गोल गर्न असफल रहे ।

आजै मनाङ मर्स्याङदी क्लब र संकटा क्लबबीच साँद्ध ५ बजे खेल हुँदैछ ।