शल्यक्रियामार्फत छावा निकाल्न सफल चिकित्सक भन्छन्- ‘फिल्म हेरेजस्तो भयो’
![नेपालबहस संवाददाता](
https://nepalbahas.prixacdn.net/media/albums/NB_m1GUFTIt76.jpeg
)
नेपालबहस संवाददाता
फागुन २५, २०७९ बिहिबार १९:३:२३
![](https://nepalbahas.prixacdn.net/media/albums/chhawa_AtLBA0Q141.jpg)
२५ फागुन, चितवन । चितवन राष्ट्रिय निकुञ्जको हात्ती प्रजनन् केन्द्र खोरसोरमा रहेकी २५ वर्षे गण्डकीकलीको अपरेसन (शल्यक्रिया) गरेर सुरक्षित रूपमा छावा निकालिएको छ ।
मंगलबार बिहानैबाटै व्यथा लागेको गर्भवती ढोई (पोथी हात्ती) गण्डकीकलीले व्यथा लागेको लामो समयसम्म पनि बच्चा जन्माउन नसकेपछि उसको अपरेसनमार्फत छावा निकालिएको हो । हात्तीको स्वास्थ्य जाँच गराउन पशु चिकित्सक तथा प्राविधिकहरू खोरसोर पुगेका थिए ।
निकुञ्जका वरिष्ठ वन्यजन्तु चिकित्सक डाक्टर विजयकुमार श्रेष्ठका अनुसार गण्डकीकलीको पेटमा रहेको बच्चा बाहिर निस्कनुपर्ने भागभन्दा तल्लो भागतिर पोको परेर बसेको पाइएको थियो । उनीहरूले हात्तीलाई सुत्केरी गराउन केही प्रयासहरू गरेपनि सामान्यतरवमा सुत्केरी गराउन सकेननन् त्यसपछि माउ र बच्चाकै ज्यान जानसक्ने खतरा देखिएपछि शल्यक्रिया गरेर गण्डकीकलीको पेटमा रहेको बच्चा झिकेका हु्न् ।
नेपाली चिकित्सक टोलीसँग रहेका विदेशी डाक्टर निक मास्टरसहित निकुञ्ज, राष्ट्रिय प्रकृति संरक्षण कोषका डाक्टर र प्राविधिकको सामूहिक प्रयासमा गरिएको शल्यक्रियापश्चाउ मउ र बच्चा (छावा)लाई सुरक्षित रुपमा अलग पार्न सफल भएको हो ।
डाक्टर श्रेष्ठ नेतृत्वको टोलीले बुधबार गण्डकीकलीको पछाडिको भाग करिब एक फिट चिरेर पेटभित्रको बच्चा निकालेको थियो । उनकाअनुसार नेपालमा यसरी शल्यक्रिया गरेर वन्यजन्तुलाई सुत्केरी गराइएको सम्भवत: यो पहिलोपटक हो ।
करिब दुई घन्टा लगाएर गण्डकीकली (माउ)को पेटमा रहेको भाले छावा निकालेका थिए । सुरूमा छावाले कुनै हलचल नगरेको तर कृत्रिम श्वास दिएपछि ३ मिनेटजतिमा होसमा आएको थियो ।
डाक्टर श्रेष्ठले भने, ‘छावा चल्न थालेपछि हाम्रो खुसीको सीमाना रहेन । हामी अब माउ बच्चा दुवैलाई बचाउन सक्यौं । गण्डकीकलीको गर्भवती अवस्थामा शल्यक्रिया गरेर पेटबाट निकालिएको बच्चाको अवस्था र मउ सुरक्षित गराउन सकेको देख्दा कुनै फिल्म हेरेको जस्तो लागिरहेको छ ।’
श्वास फेर्न थाले पनि उठ्न नसकेको छावा बिहीबार बिहान आफैं उठेर हिँडडुल गर्न थालेको उनले बताए । छावालाइ राति स्लाइन चढाइएको थियो भने बिहानदेखि पाउडर दूध खुवाइएको छ । तर आफ्नो शरीर चिरेर निकालिएको बच्चासँग माउ डराइरहेको उनले बताए । माउलाई सञ्चो हुन केही महिना लाग्नसक्ने उनले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपजंगली च्याउ खाँदा ३ जनाको मृत्यु, १६ बिरामी
असार ११, २०८१ मंगलबार
इच्छाकामनाले बाँझो जमिनमा खेती गर्नेलाई अनुदान दिने
असार ११, २०८१ मंगलबार
भरतपुर महानगरपालिकाले बाँझो जमिनमा खेती गर्नेलाई प्रोत्साहन गर्ने
असार ११, २०८१ मंगलबार
विदेशबाट आएका कामतको होटलमा शङ्कास्पद मृत्यु, साथमा आएकी परस्त्री फरार
नेपालबहस संवाददाता
असार ११, २०८१ मंगलबार
अन्तरिक्षबाट घरको छतमा टुक्रा खसेपछि नासाविरुद्ध मुद्धा दायर
नेपालबहस संवाददाता
असार १०, २०८१ सोमबार
भारतको सेमिफाइनल खेलमा वर्षा भयो भने के हुन्छ ?
नेपालबहस संवाददाता
असार १०, २०८१ सोमबार
सर्वोच्चले खारेज गर्यो कोशी प्रदेश सरकार विरुद्धको रिट
असार ११, २०८१ मंगलबार
नेपाल आइडल विजेता करण परियारलाई प्रधानमन्त्रीले दिए बधाई, गितार उपहार
असार १२, २०८१ बुधबार
देशभर मनसुनी वायुको प्रभाव : आज यी ठाउँहरुमा भारी वर्षा हुने
असार १२, २०८१ बुधबार
इजरायलले उत्तरी गाजाबाट हमास सरकारलाई विस्थापित गर्ने योजना ल्याउँदै
असार १२, २०८१ बुधबार
बारामा ८७ हजार मेट्रिकटन मकै उत्पादन
असार १२, २०८१ बुधबार
एकनाले भरूवा बन्दुकसहित एक जना पक्राउ
असार १२, २०८१ बुधबार
एसईईको नतिजा बिहीबार बिहान सार्वजनिक गर्ने निर्णय
असार १२, २०८१ बुधबार
नेप्से दोहोरो अंकले घट्यो, चार अर्ब भन्दा बढीको कारोबार
असार १२, २०८१ बुधबार
रहस्यमय मृत्युलाई लिएर कराँचीमा उच्च सतर्कता अवलम्बन
असार १२, २०८१ बुधबार