राष्ट्रको हितबाहेक केही नसाेच्न नवनिर्वाचित राष्ट्रपतिलाई माधव नेपालको सुझाव

२५ फागुन, काठमाडौं । नेकपा (एकीकृत समाजवादी)का अध्यक्ष माधव नेपालले आठ दलीय गठबन्धनबाट उम्मेदवार बनेर बिहीबार राष्ट्रपति निर्वाचित भएका रामचन्द्र पौडेललाई राष्ट्रको हितलाई सर्वोपरि रुपमा ग्रहण गर्न सुझाव दिएका छन् ।

गठबन्धनका एक घटक रहेका एकीकृत समाजवादीका अध्यक्ष नेपालले नवनिर्वाचित राष्ट्रपति पौडेललाई बधाइ दिँदै राष्ट्रको हितमा कुठाराघात हुने, प्रतिकूल असर पर्ने कुनै काम नगर्न सुझाव दिए ।

राष्ट्रपपतिले देशको शिर निहुरिने कुनै काम गर्न नहुने उनको भनाइ छ । उनले गठबन्धनमा पद र शक्तिको भागबण्डामा समस्या नरहेको र गगठबन्धन लामो समय जाने बताए ।

एमालेका उम्मेदवार सुवासचन्द्र नेम्वाङलाई पराजित गरेर पौडेल तेस्रो राष्ट्रपतिको रुपमा निर्वाचित भएका हुन् । पाैडेल तनहुँ १ बाट प्रतिनिधिसभा सदस्य छन् । राष्ट्रपति र उपराष्ट्रपतिमा निर्वाचित भएका व्यक्तिले राजनीतिक दल त्याग गर्नुपर्ने व्यवस्था छ ।