ठाकुरराम क्याम्पस आगजनी घटनामा अखिल (क्रान्तिकारी)का ३ विद्यार्थी गिरफ्तार

२६ फागुन, काठमाडौं । स्वतन्त्र विद्यार्थी यूनियन (स्ववियू) चुनावलाई लिएर उत्पन्न विवादपछि वीरगन्जको ठाकुरराम बहुमुखी क्याम्पसमा भएको आगजनी घटनामा ३ जना विद्यार्थी नेतालाई प्रहरीले गिरफ्तार गरेको छ ।

मतदाता नामावलीको विषयलाई लिएर सुरु भएको विवादका क्रममा विद्यार्थीहरुले शुक्रबार दिउँसाे क्याम्पसमा आगजनी गरेका हु्न् । उनीहरुले विद्यार्थी कल्याणकोष तथा खेलकुद शाखामा आगजनी गरेका छन् ।

आगजनीमा संलग्नताको आशंकामा अखिल क्रान्तिकारीका शिवम साह, अनेरास्ववियुका अभिषेक चौहान र सुजित गिरीलाई गिरफ्तार गरिएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक दिपक गिरिले पुष्टि गरे ।

आउँदो चैत ५ गते त्रिविका देशभरका आंगिक र सम्बन्धन प्राप्त क्याम्पसहरुमा स्ववियू निर्वाचन हुँदैछ । निर्वाचन नजिकिएसँगै दिद्यार्थी संगठनहरूबीच विवाद र झडप सुरू भएकाे छ ।