सिन्धुलीकाे बस दुर्घटनाकाे कारण ‘ब्रेक फेल’ !

२८ फागुन, काठमाडौं । आज बिहान सिन्धुलीको फिक्कल गाउँपालिका-४ स्थित कुइभीरमा भएको यात्रुवाहक बस दुर्घटनाकाे कारण ‘ब्रेक फेल’ भएको दाबी गरएको छ । ब्रेक फेल भएपछि चालकले बसलाई सुनकोशी नदीमा खस्न नदिन भित्तामा ठोक्काएको दाबी गरिएको छ ।

ओखलढुंगाको रुम्जाटारबाट काठमाडौंतर्फ आइरहेको बा २ ख ६५९६ नम्बरको उक्त बस बिहान सवा ९ बजेतिर पहरोका भित्तामा बायाँ भाग ठोक्किँदा बसको क्षतिग्रष्त हुन पुगेको थियो । जसका कारण ३ महिला र ३ पुरुष गरी ६ जनाको ज्यान गएको छ। ३० जनाको उपचार भइरहेको छ । बसमा झण्डै ४० जना सवार रहेको पाइएको छ ।

‘ब्रेक फेल’पछि अनियन्त्रित भएको बसलाई चालकले सडक भित्तापट्टिको पहरोमा ठोक्काएको प्रत्यक्षदर्शीले बताएकाे प्रहरीकाे दाबी छ । ६ जनाको घटनास्थलमै मृत्यु भएको थियो । बसले च्यापेका कारण एक जनाको शव निकाल्ने प्रयास भइरहेको प्रहरीले जनाएको छ । गम्भीर घाइते ६ जनालाई हेलिकोप्टरमार्फत काठमाडौं पठाउने प्रयास भइरहेको जनाइएको छ । मृतकहरुको पनि सनाखत भइसकेको छैन । मृतकहरुको पहिचान गर्ने काम भइरहेको प्रहरीले जनाएको छ ।