नेप्सेमा २६.८० अंकको गिरावट, १ अर्बभन्दा बढीको शेयर कारोबार

२८ फागुन, काठमाडौं । साताको पहिलो कारोबार दिन आइतबार शेयरबजार ओरालो लागेको छ । आज नेप्से सूचक २६.८० अंकले घटेर १९७५.८९ विन्दुमा आएर रोकिएको छ ।

१ अर्ब ६६ करोड रुपैयाँभन्दा बढीको शेयर कारोबार भएको छ । सेन्सेटिभ इन्डेक्सम ५.५५ अकले घटेर ३७३.९५ बिन्दुमा आएको छ । ४७ लाख ७२ हजार १४० कित्ता शेयर किनबेच भएको छ । शिभम पावर लिमिटेड करिब १० प्रतिशतले वृद्धि भएको छ । यस कम्पनीहरूले सर्वाधिक कमाएको छ ।

यता, शिभम सिमेन्टको सर्वाधिक शेयर कारोबार भएको छ । यसको ८ करोड २१ लाख भन्दामाथिको कारोबार भएको छ । यता हिमालय डिस्टिलरीको ५ करोड ७५ लाखबढीको कारोबार भएको छ । बिहीबार सबै उपसूचकहरूमा राताम्मै भएको छ ।