नाै वर्ष जेल र अढाई करोड जरिवाना सजाय पाएका पूर्वमन्त्री न्यौपानेले भने- ‘पुनरावेदन गर्ने पैसा समेत छैन’
नेपालबहस संवाददाता
फागुन ३०, २०७९ मंगलबार १९:३:३७
३० फागुन, काठमाडौं । मन्त्री रहेका बेला भृकुटीमण्डप फनपार्कको जग्गा भाडामा दिँदा भ्रष्टाचार गरेको अभियोगमा जेल सजाय र बिगो जरिवाना तोकिएका पूर्वमन्त्री बद्री न्यौपानले अभियोग लगाउने अख्तियार दुरुपयोग अनुसन्धान आयोग र न्यायालयको निर्णय अन्यायपूर्ण रहेको बताएका छन् ।
मंगलबार काठमाडौंमा पत्रकार सम्मेलन गरी न्यौपानेले अभियोजनकर्ता आयोगले पूर्वाग्रहका साथ मुद्दा लगाएको आरोप लगाए । अख्तियारले चलाएको मुद्दामा विशेष अदालतले पनि न्याय दिन नसकेको आरोप उनको छ ।
समाज कल्याण परिषदले कार्यसमितिबाट निर्णय गरेर जग्गा भाडामा लगाउने गरेको प्रचलनलभन्दा माथि उठेर आफूले फूल बोर्डको बैठकबाट निर्णय गराई मन्त्रिपरिषद् बैठकबाट समेत अनुमति पाएको विषयमा मुद्दा चल्नु उदेश लागेको बताए ।
उनी २०६९ जेठदेखि फागुनसम्म मन्त्री छँदा फनपार्कको जग्गा कांग्रेस नेता टेकबहादुर गुरुङको कम्पनीलाई भाडा दिँदा न्यून दरमा सम्झौताको निर्णय गरेर भ्रष्टाचार गरेको भन्दै अख्तियारले विशेषमा मुद्दा चलाएको थियो । सो मुद्दामा न्यौपानेलाई ९ वर्ष ६ महिना कैद सजाय तथा २ करोड ४३ लाख बढी जरिवाना र त्यति नै बिगो भराउने फैसला गरेको छ ।
उनी महिला, बालबालिका तथा समाज कल्याण मन्त्री हुँदा भृकुटीमण्डप स्थित फन पार्कको जग्गा भाडामा अनियमितता गरेको अभियाेगमा मुद्दा चलेकाे थियाे । मन्त्री समाज कल्याण परिषद्काे अध्यक्ष रहने व्यवस्था छ ।
जग्गा भाडामा लिने गुरुङलाई पनि सोही रकम जरिवाना र बिगो भराउने फैसला भएको छ । उनलाई कैदसजाय भने तोकिएको छैन । विशेषमा मुद्दा चलेदेखि नै गुरुङको सांसद पद निलम्वनमा छ ।
न्यौपानेले भाडामा लगाउने निर्णय गर्ने प्रक्रियामा सहभागी ५ जना उपसचिवलाई सफाइ दिएको भन्दै सुकुम्बासी अवस्थाका आफूमाथि पूर्वाग्रह साँधेको बताए । आफ्नो राजनीतिक जीवन सिध्याउने उद्देश्यबाट मुद्दा चलाइएको उनको आरोप छ ।
विशेषको फैसला अन्यायपूर्ण भएको बताउने न्यौपानेले फैसलाविरुद्ध सवोच्च अदालतमा पुनरावेदनका लागि राख्नुपर्ने धरौटी क्षमता आफूसँग नरहेको दुखेसो गरे । उनले बिगो जरिवाना तिर्न नसक्ने बताए ।
‘मुद्दा पुनवरावेदन गर्न मसँगै जग्गा छैन, बैंक ब्यालेन्स छैन’ उनले भने, ‘म न धरौटी राख्न सक्छु, न सर्वोच्च अदालतमा जाने हैसियतमा नै छु ।’ उनले अहिले भाइको घरमा बस्दै आइरहेको बताए । पत्रकार सम्मेलनमा आफ्नो कहानी बताउँदै गर्दा उनले आँसु खसाले ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमापसे गरेकालाई सडकमा स्वयंसेवकको काम गराउने गृहमन्त्रीको निर्णयमा सर्वोच्चको रोक
जेठ २०, २०८१ आइतबार
गृहमन्त्री लामिछानेविरुद्धको रिट न्यायाधीश श्रेष्ठको इजलासमा
जेठ २०, २०८१ आइतबार
एसएसपी बढुवामा गृहमन्त्रीको सचिवालयले बार्गेनिङ गरेको गम्भीर आरोप
नेपालबहस संवाददाता
जेठ २०, २०८१ आइतबार
घट्यो पेट्रोलियम पदार्थको मूल्य, ग्यासको यथावत
नेपालबहस संवाददाता
जेठ १८, २०८१ शुक्रबार
१४ वर्षदेखि धनुषामा असुली गर्दै अघोषित घुमुवा आजाद यादव
नेपालबहस संवाददाता
जेठ २०, २०८१ आइतबार
एसएसपी बढुवामा गृहमन्त्रीको सचिवालयले बार्गेनिङ गरेको गम्भीर आरोप
जेठ २०, २०८१ आइतबार
१४ वर्षदेखि धनुषामा असुली गर्दै अघोषित घुमुवा आजाद यादव
जेठ २०, २०८१ आइतबार
टी–२० विश्वकप : ओमान र नामिबियाको खेल सुपर ओभरमा
जेठ २१, २०८१ सोमबार
अमूर्त सांस्कृतिक सम्पदासम्बन्धी पहिलो प्रतिवेदन संयुक्त राष्ट्रसंघमा पेस गरिने
जेठ २१, २०८१ सोमबार
फेवातालमा डुङ्गा सयर गर्दै पर्यटक
जेठ २१, २०८१ सोमबार
गौरवको आयोजना तिवारीभञ्ज्याङ–अधेँरीघाट सडक कालोपत्र
जेठ २१, २०८१ सोमबार
व्यवसायी एवं लगानीकर्ता टोमसदोत्तिर आइसल्याण्डको राष्ट्रपतिमा निर्वाचित
जेठ २१, २०८१ सोमबार
नेपाललाई पर्यटकीय ‘हब’ बनाउँछौँ : उपप्रधानमन्त्री श्रेष्ठ
जेठ २१, २०८१ सोमबार