दृष्टिविहीन शिक्षिकालाई हाजिरी नगराउने हर्कतबाट पछि हट्याे मानेडाँडा मावि
नेपालबहस संवाददाता
चैत १, २०७९ बुधबार १७:२५:३
१ चैत, काठमाडाैं। नियुक्ति पाएको विद्यालयमा प्रशासनले दृष्टिविहीन भएकै कारण एक महिला शिक्षकलाई हाजिरी गर्नबाट वञ्चित गराउने हर्कतमा अपनाइरहेकाे विद्यालय अन्तत: हाजिरी गराउन बाध्य भएकाे छ । रामेछापको खाँडादेवी गाउँपालिकास्थित मानेडाँडा माध्यमिक विद्यालय ती शिक्षिकालाई हाजिरी गराउन बाध्य भएको हाे ।
शिक्षक सेवा आयोगले लिएको परीक्षामा उत्तीर्ण भएर निम्नमाध्यमिक तहको नेपाली शिक्षकको नियुक्ति पाएकी चितवनको भरतपुर–२७ मेघौलीकी संगीता पराजुलीलाई उक्त विद्यालयले दृष्टिविहीन भएकै कारण फागुन ११ गतेदेखि नै हाजिरी गर्नबाट रोक लगाउँदै आएको थियो ।
शिक्षक सेवा आयोगले प्रकाशन गरेकाे रोल नम्बरअनुसार दुर्गम जिल्ला मानिने रामेछापमा परेकी पराजुलीलाई त्यहाँको शिक्षा विकास तथा समन्वय इकाइले शिक्षक नियुक्त गरेर पदस्थापनका लागि खाँडादेवी गाउँपालिका पठाइएकोमा उनलाई गाउँपालिकाले माघ २३ गते वडा नम्बर ९ को मानेडाँडा माध्यमिक विद्यालयको नेपाली शिक्षकमा पदस्थापनको पत्र दिएको थियो । तर विद्यालयले दृष्टिविहीन भन्दै अस्वीकार गरेर विभेद गरेको थियो ।
घटनाबारे संचारमाध्यम र सामाजिक संजालमा विद्यालय नेतृत्व र प्रशासनको व्यापक विरोध भइरहेको अवस्थाबीच शिक्षिका यही सोामबारबाट पराजुलीलाई हाजिरी गराइएको हो । पराजुलीलाई हाजिरी गराएको गाउँपालिकाको शिक्षाका प्रमुख मीनबहादुर थापाले जानकारी दिएका छन् ।
दृष्टिविहीन शिक्षकलाई विद्यालयले हाजिरी नगराएको समाचार सार्वजनिक भएपछि राष्ट्रिय मानव अधिकार आयोगले विद्यालय, गाउँपालिका र शिक्षा विकास तथा समन्वय ईकाईलाई पत्र पठाएर कारणसहित स्पष्टिकरण दिन भनेको थियो ।
करिब डेढ दशक राहत दरबन्दीमा रहेर अध्यापन गरेकी ३६ वर्षीया पराजुली गएको पुसमा शिक्षक सेवा आयोगको निम्न माध्यामिक तहको नेपाली विषयको परीक्षामा नाम निकालेकी थिइन् । उनले भरतपुरको सप्तगण्डकी बहुमुखी क्याम्पसबाट स्नातक तह उत्तीर्ण गरेकी छन् ।
उनका कक्षा १० र ५ मा अध्यनरत २ छोरा छन् । श्रीमान गणेश पनि शिक्षण पेशामा छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्लाष्टिकजन्य फोहोरमैला संकलन गरी सुनकोशी नदीमा चुहावट हुनबाट रोकियो
जेठ १९, २०८१ शनिबार
खोकनाको इतिहास बचाउन परम्परागत तेल मिल सञ्चालनमा आउँदै
जेठ १७, २०८१ बिहिबार
६ महानगरमध्ये भरतपुरको बेरुजु सबैभन्दा कम
जेठ १५, २०८१ मंगलबार
एसएसपी बढुवामा गृहमन्त्रीको सचिवालयले बार्गेनिङ गरेको गम्भीर आरोप
नेपालबहस संवाददाता
जेठ २०, २०८१ आइतबार
घट्यो पेट्रोलियम पदार्थको मूल्य, ग्यासको यथावत
नेपालबहस संवाददाता
जेठ १८, २०८१ शुक्रबार
१४ वर्षदेखि धनुषामा असुली गर्दै अघोषित घुमुवा आजाद यादव
नेपालबहस संवाददाता
जेठ २०, २०८१ आइतबार
एसएसपी बढुवामा गृहमन्त्रीको सचिवालयले बार्गेनिङ गरेको गम्भीर आरोप
जेठ २०, २०८१ आइतबार
१४ वर्षदेखि धनुषामा असुली गर्दै अघोषित घुमुवा आजाद यादव
जेठ २०, २०८१ आइतबार
टी–२० विश्वकप : ओमान र नामिबियाको खेल सुपर ओभरमा
जेठ २१, २०८१ सोमबार
अमूर्त सांस्कृतिक सम्पदासम्बन्धी पहिलो प्रतिवेदन संयुक्त राष्ट्रसंघमा पेस गरिने
जेठ २१, २०८१ सोमबार
फेवातालमा डुङ्गा सयर गर्दै पर्यटक
जेठ २१, २०८१ सोमबार
गौरवको आयोजना तिवारीभञ्ज्याङ–अधेँरीघाट सडक कालोपत्र
जेठ २१, २०८१ सोमबार
व्यवसायी एवं लगानीकर्ता टोमसदोत्तिर आइसल्याण्डको राष्ट्रपतिमा निर्वाचित
जेठ २१, २०८१ सोमबार
नेपाललाई पर्यटकीय ‘हब’ बनाउँछौँ : उपप्रधानमन्त्री श्रेष्ठ
जेठ २१, २०८१ सोमबार